လူတိုင်းလူတိုင်းမှာ ရည်ရွယ်ချက်တွေ အောင်မြင်ဖို့နဲ့ နေ့စဉ်ဘဝမှာ ပျော်ရွှင်ချမ်းမြေ့ဖို့ ဆန္ဒ တွေရှိတတ်ပါတယ်။ ဒါပေမယ့် လူတိုင်းတော့ ဒီနှစ်ချက်လုံး အောင်မြင်ဖို့ မလွယ်ကူ လှပါဘူး။
ရည်ရွယ်ချက်တွေ အောင်မြင်အောင် ကြိုးစားရင်း နေ့စဉ်လူမှုဘဝမှာ အခက်အခဲတွေ အဆင် မပြေမှုတွေ မပျော်ရွှင်မှုတွေ ကြုံတွေ့နေရသူတွေ အများကြီး ရှိပါတယ်။ ဒီလိုအခြေအနေကို ဘယ်လို ကျော်လွှားနိုင်သလဲ။ အလွယ်တကူကျော်လွှားနိုင်တဲ့ နည်းလမ်းတွေ ရှိပါတယ်။ ဒါဟာ လူတိုင်းသိတဲ့ လျှို့ဝှက်ချက် တစ်ခုပါ။ ဒါပေမယ့် လူတိုင်းကျင့်ဖို့တော့ ခက်ခဲပါလိမ့်မယ်။ ဘာလို့လဲဆိုတော့ အရိုးဆုံးဟာ အဆန်းဆုံးဖြစ်ပြီး အလွယ်ဆုံးဟာ အခက်ခဲဆုံး ဖြစ်နိုင် လို့ပါပဲ။
ကဲရည်ရွယ်ချက် အောင်မြင်ဖို့နဲ့ နေ့စဉ်ဘဝမှာ အဆင်ပြေသာယာဖို့ ကျင့်သုံးရမယ့် နည်းလမ်း (၈) သွယ်ကို လေ့လာကြည့်ရအောင်ပါ။
၁။ စိတ်တည်ငြိမ်အောင် တရားအားထုတ်ပါ။ တရားအားထုတ်ပါဆိုလို့ တွန့်မသွားပါနဲ့။ မနက် စောစော အိပ်ယာမထခင် ဆယ့်ငါးမိနစ်ကနေ နာရီဝက်ခန့်အထိ စိတ်တည်ငြိမ်မှုရအောင် အားထုတ်ပါ။ အဲဒီအချိန်မှာ စိတ်နှလုံးကို အတည်ငြိမ်ဆုံးထားပြီး အာရုံစုစည်းထားပါ။ ဒါဟာ ဘာကို အကျိုးပြုသလဲဆိုရင် ကြည်လင်တဲ့ စိတ်နှလုံးကို ပိုင်ဆိုင်နိုင်ပြီး မှန်ကန်တဲ့ ဆုံးဖြတ် ချက်ချမှတ်နိုင်ဖို့၊ တည်ငြိမ်အေးချမ်းဖို့ အကူအညီပေးနိုင်ပါလိမ့်မယ်။
၂။ အစားအစာကို ချင့်ချိန်စားပါ။
သစ်သီး၊ ဟင်းသီးဟင်းရွက်၊ ပဲ၊ မြေပဲ၊ သံလွင်ဆီစတဲ့ အယ်လ်ကာလီ ပါဝင်မှုမြင့်တဲ့ အစားအစာတွေနဲ့ အက်ဆစ်ဓာတ်မြင့်တဲ့ ဂျုံ၊ အသား၊ နို့ထွက်ပစ္စည်းနဲ့ သကြားတွေကို အချိုး အစားမျှတအောင် စားသောက်ရပါမယ်။ ဒါမှ မျှတတဲ့ စားသောက်မှု ပုံစံနဲ့ ရောဂါကင်းပြီး ကျန်းမာတဲ့ ခန္ဓာကိုယ်ကို ပိုင်ဆိုင်နိုင်ပါမယ်။
၃။ အန္တရာယ်ဖြစ်စေမယ့် အရာများကိုရှောင်ပါ။
အရက်၊ စီးကရက်၊ ကဖိန်းဓာတ်ပါတဲ့ အစားအစာတွေ၊ သကြားနဲ့ မူးယစ်ဆေးဝါး စတာတွေကို ဆိုလိုပါတယ်။ ဒါတွေက သင့်ရဲ့ကျန်းမာရေးကို ထိခိုက်စေပြီး ကိုယ်ခံစွမ်းအားနဲ့ စိတ်စွမ်းအင်တွေကို ယုတ်လျော့စေပါတယ်။ လူငယ်တွေအတွက် ဒီအရာတွေဟာ အထူး ရှောင်ရှားရမယ့် အရာတွေဖြစ်ပါတယ်။
၎။ တေးဂီတကို နားဆင်ပါ။
ဂီတဟာ စိတ်ကိုကြည်နူးလန်းဆန်းစေပါတယ်။ ဒါပေမယ့် ကြမ်းတမ်းတဲ့ အနိဋ္ဌာရုံ စာသားတွေပါတဲ့ သီချင်းမျိုးကိုရှောင်ပြီး စိတ်အေးချမ်းစေမယ့် သီချင်းမျိုးကိုသာ ရွေးချယ်ရ ပါမယ်။ ဒါမှ ဂီတနဲ့ သင့်ရဲ့စိတ်ဝိဥာဉ်ကို နှစ်သိမ့်အားဖြည့်နိုင်မှာဖြစ်ပါတယ်။
၅။ အိမ်ပတ်ဝန်းကျင်ကို ဂရုစိုက်ပါ။
သင့်အိမ်ပတ်ဝန်းကျင်ကို စိတ်ခွန်အားပြည့်မယ့်၊ ပျော်ရွှင်ငြိမ်းချမ်းမယ့် ပတ်ဝန်းကျင် လေးဖြစ်အောင် ပြုလုပ်ထားရပါမယ်။ ဒါမှ လုပ်ငန်းခွင်မှာ ကုန်ဆုံးသွားတဲ့ ခွန်အားတွေကို အိမ်မှာ အပန်းဖြေရင်း ပြန်လည်မွေးမြူနိုင်မှာပါ။
၆။ တီဗွီကြည့်ရှုမှုကို လျှော့ချပါ။
အချိန်ကြာမြင့်စွာ တီဗွီကြည့်ရှုခြင်းအစား စာဖတ်ခြင်း၊ လမ်းလျှောက်ခြင်း၊ ပန်းချီဆွဲ ခြင်းစတဲ့မိမိဝါသနာပါရာ စိတ်ဝင်စားဖွယ်အရာတစ်ခုနဲ့ အစားထိုးသင့်ပါတယ်။ သင်စိတ်ပါဝင် စားတဲ့ဝါသနာ ပါတဲ့အရာကို လုပ်နေခြင်းအားဖြင့် သင့်ရဲ့စိတ်ညစ်ညူးမှုတွေ ပြေပျောက်သွား နိုင်တယ်လေ။
၇။ ဓာတ်ပုံတွေနဲ့ စိတ်ခွန်အားကို တိုးမြှင့်ပါ။
ဓာတ်ပုံတွေဟာ စိတ်ခွန်အားတွေနဲ့ ငယ်သူငယ်သွေးတွေကို သယ်ဆောင်ယူလာပေး နိုင်ပါတယ်။ ပျော်ရွှင်ကြည်နူးဖွယ်၊ ချစ်ခင်နှစ်လိုဖွယ်၊ အောက်မေ့သတိရဖွယ် ဓာတ်ပုံတွေကို ပြန်လည်ကြည့်ရှုခြင်းဖြင့် သင့်စိတ်မှာ ကြည်နူးနှစ်သိမ့်မှု ရစေနိုင်ပါတယ်။
၈။ အသိအကျွမ်း၊ မိတ်ဆွေတွေနဲ့ မိသားစုဝင်တွေကို အလေးထားပါ။
သင့်ရဲ့အနီးအနားမှာ သင့်ကိုအထင်ကြီး လေးစားတဲ့၊ သင်ကလည်း လေးစားခင်မင်တဲ့၊ စိတ်နှလုံးချင်း နီးကပ်တဲ့ မိတ်ဆွေသူငယ်ချင်း၊ မိသားစုဝင်တွေ ရှိနေပါစေ။ ဒါဟာ သင့်အ တွက် စိတ်ချမ်းသာလုံခြုံမှု ဖြစ်စေနိုင်သလို သင့်ရဲ့ အလေးထားမှုကြောင့် သင်နဲ့ သူတို့ကြားမှာ ကောင်းမွန်တဲ့ ဆက်ဆံရေးတွေ ဖြစ်ပေါ်လာပါလိမ့်မယ်။ ဒါဟာ သင့်ရဲ့ စိတ်ချမ်းသာမှုနဲ့ အောင်မြင်မှုအတွက် အထောက်အကူပြုမယ့် အရာတွေပါပဲ။
ဒီအရာတွေဟာ လက်တွေ့လိုက်နာ ဆောင်ရွက်ဖို့ လွယ်ကူရိုးစင်း လှပါတယ်။ မြန်မာစကားမှာ ဆေးကောင်းရင် ဖြုတ်ခေါင်းလို့ ဆိုရိုးရှိပါတယ်။ ရည်မှန်းချက်တွေအောင်မြင်ဖို့နဲ့ နေ့စဉ်ဘဝ မှာ ပျော်ရွှင်ချမ်းမြေ့စွာ နေထိုင်နိုင်ဖို့ ငွေတွေအရမ်းရှာနေစရာ၊ အလုပ်တွေ တအားကြိုးစား နေစရာ မလိုပါဘူး။ အထက်ပါ အချက်(၈)ချက်ကို လက်တွေ့လိုက်နာကြည့်ရင် စိတ်ရော ကိုယ်ပါ ကျန်းမာကြံ့ခိုင်ပြီး ဘဝဟာ နေပျော်စရာ ဖြစ်လာမှာပါ။ ဒါဆို ရခဲလှတဲ့ လူ့ဘဝ အချိန်တွေကို စိတ်နှလုံးသာယာစွာ ဖြတ်သန်းနိုင်ပြီ မဟုတ်ပါလား။
အိပ်မက်မြူ
Dr. Wayne W Dyer ၏ 7 secret of a joyful life မှ ထုတ်နှုတ်မှီးငြမ်းသည်။
ဆက်လက်ဖတ်ရှုပါရန်...
ပြန်ခေါက်ပါရန်...
