ရောက်တတ်ရာရာ
ဘ၀တစ်ကွေ့ ပြန်မတွေ့နိုင်ပေမယ့်
ရင်ထဲမှာ ရှိနေသေးရင် ပြန်တွေ့သလိုပါပဲ
တွေ့ရခဏ ခွဲကြတစ်ဘ၀ဆိုပေမယ့်
အစဉ်အမြဲသတိရနေခြင်းသာ အဓိကပါ
မျှော်လင့်ခြင်းကို ယုံကြည်ပေမယ့်
ကံကြမ္မာဆိုတာကိုတော့ မယုံရဲဘူး
တိတ်ဆိတ်ခြင်းက ၀န်ခံသလိုဖြစ်နေပေမယ့်
ဆွံ့အနေတာလည်း ဖြစ်နိုင်ပါတယ်
ပြောသမျှကို ဘာမှ နားမလည်သလို ဖြစ်နေတာ
တွေဝေနေခြင်း ဖြစ်နိုင်သလို
နားမကြားခြင်းလည်း ဖြစ်နိုင်ပါတယ်
အတူတွဲမလျှောက်နိုင်ခြင်းဟာ
မပြည့်စုံခြင်းကြောင့်လည်း ဖြစ်နိုင်ပါတယ်
အရာရာကို အပြစ်မဆိုချင်ပေမယ့်
ကိုယ့်ကိုယ့်ကိုယ်တော့ မချင့်မရဲဖြစ်နေတယ်
ပြန်တွေ့ခဲ့ရင် ပြုံးပြမယ်လို့ စိတ်ကူးထားပေမယ့်
ပြုံးနိုင်မယ် မပြုံးနိုင်ဘူးဆို မသေချာတဲ့ဘ၀မှာ
ဘယ်အရာတွေကရော သေချာနိုင်မှာလဲ
ပြန်တွေ့ဖို့ကရော သေချာမှာလား
ဒီတစ်ခါတွေ့တာဟာ နောက်တစ်ခါပြန်တွေ့ဖို့ရဲ့ သင်္ကေတလား
ဒါမှမဟုတ်
ဒီတစ်ခါတွေ့တာ နောက်ဆုံးလည်း ဖြစ်နိုင်တာပဲ
ဆုံခဲ့ဖူးတဲ့ မျက်ဝန်းတွေကို
ပြန်ဆုံတဲ့အခါမှ ဒီအတိုင်း ဖြစ်နိုင်ပါတော့မလား
ဘာမှ မရေရာပေမယ့်ု
ကိုယ့်ကိုယ်ကိုယ်လည်း မရေရာဘူးလို့တော့ မထင်ပါနဲ့
လက်ရှိပိုင်ဆိုင်နေတဲ့ ဘ၀မှာ အကောင်းဆုံး ဖြစ်အောင်
လုပ်လိုက်ခြင်းဟာ ရေရာခြင်းပါပဲ။
No comments:
Post a Comment