Tuesday, November 4, 2008

အချစ်စစ်ဆိုတာ

အချစ်မှာ အချိန်၊ အကွာအဝေး၊ နေရာဒေသ၊ လူမျိုး၊ ဘာသာ ကန့်သတ်မှု မရှိပါဘူး . . .။


(၅)နှစ် အရွယ်တုန်းက - ငါ နင့်ကို ချစ်တယ်လို့ ပြောတယ်။ နင် ခေါင်းကို ငဲ့ပြီး မျက်လုံးဝိုင်းလေးကို ပုတ်ခတ်ရင်း အဲဒါ ဘာအဓိပ္ပါယ်လည်းလို့ ငါ့ကို မေးခဲ့တယ်။


(၁၅)နှစ် အရွယ်တုန်းက - ငါ နင့်ကို ချစ်တယ်လို့ ပြောတယ်။ အင်္ကျီအနားစကို အဓိပ္ပါယ်မဲ့ လုံးချေကစားရင်း ခေါင်းလေးကို ငုံ့လို့ ရှက်သွေးတွေ ဖြာပြီး နင်ပြုံးနေခဲ့တယ်။


(၂၀)နှစ် အရွယ်တုန်းက - ငါ နင့်ကို ချစ်တယ်လို့ ပြောတယ်။ ငါ့ပုခုံးထက်မှာ ခေါင်းကလေးကိုမှီပြီး ငါပျောက်ကွယ်သွားမှာ စိုးတဲ့အလား ငါ့လက်မောင်းကို နင် တင်းတင်းလေး ဖက်ထားခဲ့တယ်။


(၂၅)နှစ် အရွယ်တုန်းက - ငါ နင့်ကို ချစ်တယ်လို့ ပြောခဲ့တယ်။ မနက်စာကို ပြင်ဆင်ရင်း ငါ့နဖူးကို တစ်ချက်နမ်းပြီး ``သိပါတယ် . . . ထပါတော့ လူပျင်းလေးရယ်´´လို့ ချစ်စနိုးနဲ့ နင်ပြောခဲ့တယ်။


(၃၀)နှစ် အရွယ်တုန်းက - ငါ နင့်ကို ချစ်တယ်လို့ ပြောခဲ့တယ်။ ``တကယ်ချစ်ရင် ရုံးဆင်းချိန် လျှောက်မလည်နဲ့၊ မှာတဲ့ ပစ္စည်းတွေကိုလည်း ၀ယ်ခဲ့ဖို့ မမေ့နဲ့´´လို့ နင်ရယ်ပြီး ပြောခဲ့တယ်။


(၄၀)နှစ် အရွယ်တုန်းက - ငါ နင့်ကို ချစ်တယ်လို့ ပြောခဲ့တယ်။ ပန်းကန်တွေ သိမ်းရင်း ``ကောင်းပါပြီ . . . ကလေးတွေကို စာပြလိုက်ပါဦး´´လို့ နင် စိတ်မရှည်စွာ ပြောခဲ့တယ်။


(၅၀) အရွယ်တုန်းက - ငါ နင့်ကို ချစ်တယ်လို့ ပြောခဲ့တယ်။ သိုးမွှေးချည်ထိုးရင်း ``တကယ်လား . . . နင့်စိတ်ထဲမှာ ငါ့ကို စောစော သေစေချင်နေတယ် မဟုတ်လား´´လို့ ပြောပြီး တခစ်ခစ်နဲ့ နင်ရယ်ခဲ့တယ်။


(၆၀) အရွယ်တုန်းက - ငါ နင့်ကို ချစ်တယ်လို့ ပြောခဲ့တယ်။ ငါ့လက်မောင်းကို တစ်ချက်ထုရင်း ``အဘိုးကြီး . . . မြေးတွေတောင် ကြီးနေပြီ အပြောက မက်တုန်း´´လို့ ပြောခဲ့တယ်။


(၇၀) အရွယ်တုန်းက - မျက်မှန် ထူထူကိုတပ် ငါတို့ခုံပေါ်မှာ အတူတူထိုင်ပြီး လွန်ခဲ့တဲ့ အနှစ် (၅၀)က ဓာတ်ပုံတွေကို ကြည့်နေခဲ့တယ်။ နင့်ရဲ့ တွန့်ကြေနေတဲ့ လက်ကို ငါဆုပ်ကိုင်ရင်း ငါနင့်ကို ချစ်တယ်လို့ ပြောတယ်။ အကြင်နာတွေ ပြည့်နေတဲ့ မျက်လုံးနဲ့ နင်ငါ့ကို ကြည့်နေခဲ့တယ်။ အရစ်ကြောင်းတွေနဲ့ တွန့်ကြေနေပေမယ့် နင့်မျက်နှာဟာ လှပနေဆဲပါ။


(၈၀) အရွယ်တုန်းက - ငါ နင့်ကို ချစ်တယ်လို့ ပြောတယ်။ နင် လှဲလျောင်းနေတယ် . . . ငါ ငိုနေတယ်။

နောက်ဆုံးတစ်ခွန်း နင်ပြောခဲ့တယ်။ ``ငါ . . . နင့် . . . ကို . . . ချစ် . . . တယ်´´

ငါ့ဘ၀မှာ အပျော်ဆုံးနဲ့ ၀မ်းအနည်းဆုံး နေ့တစ်နေ့ပါပဲ။

အချစ်စစ်ဟာ အချိန်ကို ကျော်ဖြတ်တယ်။

အချစ်စစ်ဟာ အကွာအဝေးကို ကျော်ဖြတ်တယ်။

အချစ်ကို တန်ဖိုးထားတတ်ဖို့

မြတ်နိုးတတ်ဖို့နဲ့ နားလည်တတ်ဖို့ပဲ လိုပါတယ် . . . ။

ပန်သစ္စာဂျာနယ်မှ ´ကောင်းလွန်း´ မျှဝေသော Email မှ စာစုလေးအား ပြန်လည် မျှဝေပါသည်။

ဇော်ဖြိုး

No comments: